Tinatayang aabot sa $3.2Million ang natanggap na humanitarian at financial aid ng Pilipinas mual sa Saudi Arabia.
Iti-nurn over ni Saudi Arabian Ambassador to the Philippines Hisham bin Sultan Al-Qahtani at Dr. Abdullah bin Saleh Al-Moallem, representative ng King Salman Humanitarian Aid and Relief Center ang naturang donasyon.
Tinanggap naman ito ng ilang kinatawan mula sa Department of Health at ng Department of Foreign Affairs.
Ayon sa pahayag ng Royal Embassy, gagamitin ang naturang pondo para sa pandemic response ng gobyerno.
Kabilang din sa mga paglalaanan nito ay ang mga programa para sa pagbangon ng mga nasalanta ng Bagyong Odette noong nakaraang taon.
Aabot naman sa $1.5Million ang pondong ibinigay sa DoH para sa pagsasaayos o pagtatayo ng mga health facilities sa Marawi City.
#
