LEGAZPI CITY – Opisyal nang binuksan ng Pamahalaang Panlalawigan ng Albay sa pakikipagtulungan ng Department of Information and Communications Technology (DICT) Bicol ang kauna-unahang Digital Transformation Center (DTC).
Layunin nitong mas palakasin pa at gawing digitally-literate ang mga Albayano partikular na ang mga senior citizen, persons with disabilities (PWDs), out-of-school youth (OSYs), indigenous groups, low income persons, at maging ang mga empleyado ng Kapitolyo.
Ang DTC ay naglalaman ng sampung (10) computer units kung saan mayroon itong lima (5) hanggang sampung (10) seating capacity.
Bukod sa mayroon na rin itong WiFi, airconditioned room na rin ito. Inihayag naman ng Pamahalaang Panlalawigan na malapit na itong buksan para sa magamit ng publiko.
