MAS samot nga dugangan ang pag-amping sa katawhan karon nga may mga dugang variant na sa COVID-19 nga misulod sa nasud.
Kini ang giawhag karon ni Dr. Dr. Fidel Peñamante, presidente sa Philippine Medical Association o PMA-GenSan human nga natala na ang unang kaso sa Lambda variant sa COVID-19 sa western Visayas nga usa ka buntis.
Segun niini, kinahanglan dugangan ang pagsunod sa mga health protocols, mas batasanon na ang pagsuot og face mask tungod maoy gipangayo sa sitwasyon, dili lang paghugas og mga kamot, apil nawong ug maligo bag-o matulog. Gitino usab ni Peñamante kung gadaghan ang kaso sa COVID-19 dako ang tsansa usab sa mutation sa virus.
Sa karon wala pay specific nga bakuna batok sa mga migawas nga variant sa COVID-19 apan may mga pagtuon usab nga ang ubang bakuna makabatok sa maong variant.
Ang pagpabakuna matud pa ang proteksyon aron kung matakdan man, dili mograbe.
Kung makab-ot usab ang herd immunity, gamay na ang tsansa makaangkon og COVID-19 ug dili na mokatag kung aduna may kaso ug mas dali na kontrolon ang pagkatag.
Sa karon nga may Delta variant na sa region-12, dili usab imposible nga dili musulod ang ubang variant apan ang mahinungdanon may ginahimo ang LGU ug mas pakusgon lang sa publiko ang pagtuman sa mga health protocols ug makatabang usab ang pagpabakuna.
