Nangin magamo ang kun daad malipayon nga balay irimnan matapos nga nagpagamo ang miyembro kang Philippine Army sa sangka balay irimnan sa Barangay Cubay-Napultan, Sibalom mga 1:15 sa kasanagon katong Martes, Hunyo 18.
Sa pagpakig-angut kang BNFM-Antique kay PCapt Ephrime Udani, Deputy Chief of Police kang Sibalom MPS, ginpahayag kadya nga natabuan nga nagapatigayon kang mobile patrol ang mga kapulisan sa amo nga lugar kang hinali lang nga may nagpangayo kang bulig kag ginpahayag nga may komusyon sa tunga kang walo ka katapo kang Phil. Army nga ginapahayag nagpang-harass sa staff kang nasambit nga irimnan nga
Gilayon nga nagpaagto ang kapulisan kag nag-pacify sa nagluntad nga ginamo kag nahimo nga maistoryahan kang darwa ka partido apang pasado alas-2:00 sa hapon kang amo man nga adlaw nakabaton kang reklamo ang talatapan nga paglumbos kang mga otoridad nagbalik ang mga katapo kang Phil. Army sa irimnan nga naka full-battle gear ron kag ginapangita ang nagresponde nga mga pulis.
Samtang, nag-areglohanay ron man ang nagapanag-iya kang balay irimnan kag katapo kang Philippine Army.
