agdangat na sa 30 ang nabalhag nga kaso sang leptospirosis sa probinsya sang Capiz, base sa pinakaulihi nga datos nagikan sa Provincial Health Office (PHO).
Sandig sa report nga Provincial Weekly Notifiable Diseases Case Bulletin Morbidity Week 19 napetsahan Enero 1 tubtob Mayo 13, 2023, ang nasambit nga numero ang mas mataas sang 100% kun ikumparar sa kapareho nga period sadtong tuig 2022 nga may 15 lamang ka kaso.
Samtang, apat naman ang narekord nga napatay bangud sa nasambit nga balatian.
Ang leptospirosis isa ka sahi sang inpeksyon nga makuha sa higko kag ihi sang sapat kasubong sang ilaga kag iban pa, nagatuhaw ini kon masami nga naga-lubog sa tubig baha nga kontaminado sang higko sang amo nga mga sapat.
Madasig naman nga maglaton ang inpeksyon sa lawas, ilabi na kon may pilas ang isa ka indibidwal.
Ang balatian nga leptospirosis sarangmakaguba sang kidney, baga, atay kag iban pa nga organs kag mahimo man nga magresulta sa kamatayon kun mapabayaan kag indi gilayon mabulong. | KMD Gicalde
