Tinapos na ng komite sa Senado ang imbestigasyon sa minaltratong kasambahay na si Elvie Vergara.
Nakalabas na sa pagkakadetine ang dating amo ni Vergara habang hindi naman inirekomenda ng panel ang pagsasampa ng kaso laban sa mga ito.
Paliwanag naman ni Panel chairman Francis Tolentino base sa patakaran ng mga senado otomatikong mapapalabas ang mga nakadetine sa sandaling maihain na committee report.
Ang susunod na hakbang aniya ay tapusin ng Department of Justice ang kanilang preliminary investigation.
Kabilang naman sa rekomendasyon ng panel ang pagpapalakas ng Republic Act 10361 o ang batas kasambahay.
