LEGAZPI CITY – Umabot na ngayon sa labingsiyam ang mga nagpositibo sa COVID-19 sa lalawigan ng Albay.
Batay sa datos mula sa Albay Provincial Health Office, nanguna rito ang Legazpi City na may limang kaso, sinusundan ng Daraga na may apat, tigdadalawa sa Camalig at Rapu-rapu, habang tig-iisa naman sa Tabaco City, Malilipot, Malinao, Pio Duran, Polangui at Sto. Domingo.
Patuloy naman ang pagpapaalala ng PHO na kinakailangan ang pagsuot ng facemask at paghuhugas ng kamay upang maiwasan na ang hawaan ng nasabing sakit.
