Pinangangambahan ng Department of Health ang tumataas na kaso ng COVID-19 at iba pang respiratory illness sa Pilipinas.
36% kasi ang itinaas ng kaso sa buong bansa o katumbas ng 1,821 mula lang sa December 5 hanggang 11.
Ito ang pinakamataas na naitala sa loob ng isang buwan.
Dahil dito, ilang lokal na pamahalaan na ang nag-aalala tulad sa Quezon City na itinaas sa red status ang buong lungsod.
Sa kabila nito hindi pa naman hirap ang mga healthcare facility sa bansa.
Sinabi nila na 10% na mas mababa ang critical at severe cases ng COVID admissions.
Gayunman ay pwede pa rin itong makamatay sa mga may edad o sakitin.
Paalala ng mga eksperto hindi lang dapat sa COVID-19 mag-ingat dahil marami ring sakit o virus ang nakakahawa na maaaring maka-infect sa tao tulad ng influenza-like illness.
Bagamat hindi na required na magsuot ng mask, pinapayo pa rin ng mga health experts na sundin ang mga health protocol para maprotektahan ang kalusugan.
