LEGAZPI CITY – Buminaba na an kaso kan stunting o pagkabansot sa Bicol Region. Basado ini sa record kan National Nutrition Councit (NNC) Bicol.
Sa intrevista kan Brigada News FM Legazpi kay NNC Bicol Regional Director Arlene Reario, sinabi niya na nagmamaray ang record kan Bicol pag-abot sa stunting, kun sain nanutaran sa laog kan limang taon puon 2018 hasta 2023 na pababa an numero kan stunting cases.
Segun saiya, kan 2018, nasa 18.7% an rehiyon basado sa resulta kan saindang Operation Timbang, alagad pag-abot kan 2023, nasa 10.5% na sana.
Nasa 1.5% kaya an target ninda sa pagbaba kada taon, alagad nasa 1.2% an nakua kan nakalihis na taon.
Mientrastanto, sinabi ni Reario, piglalaoman ninda na mas mababa pa ini huli sa Philippine multi-sectoral nutrition project kun sain apat na probinsya sa rehiyon an popondohan kan World Bank.
