NAKIGDAYALOGO ang kapulisan sa mga complainant sa land conflict sa Barangay Sinawal, GenSan.
Kini dungan sa insidente sa pagpamusil nga gikamatay sa duha katao ug gikasamad sa usa ka babaye sa Purok Vista sa maong barangay.
Matud ni Police Col. Nicomedes Olaivar Jr., director sa GenSan City Police Office (GSCPO) giawhag nila ang mga dunay claim sa mga yuta nga himoong legal ang mga lakang. Dili ang mohimo og krimen tungod sa maong kagubot sa tungod sa yuta.
Kauban sa dayalogo ang kapitan sa Barangay nga si Eduardo Bantilan ug mga naa sa komunidad.
Kahibaloan nga sa GenSan, dakong porsyento sa motibo sa pagpatay mao ang land conflict, base sa datus sa kapulisan.
Una nang, giangkon ni Olaivar Jr., nga dunay grupo sa mga indibidwal nga naga-finance sa aktibidad sa land grabbing. I Richel Gubalani
