GIPANAWAGAN karon ni Kapitan Luciano Palma sa Brgy.Conel si
CDRRMO head Bong Dacera human sa pagbaha sa iyang barangay asa 17 ka pamilya ang apektado aron ma-assess ang damyos ug mahatagan og tabang.
Kasagaran walay nabitbit nga gamit tungod giluwas ang ilang kaugalingon sa halos liog nga gitas-on sa tubig baha niadtong Sabado.
Giadtoan pa lang sa taga CSWDO ang lugar apan wala pa daw may hinabang nga gihatag mao nga ang barangay milihok na aron mahatagan og tag P3,000 ang kada pamilya.
Ang pagbara sa tulay sa area sa Brgy.Conel ang gibasol sa usa ka negosyante sa lugar asa dako ang nadaut sa iyang kabtangan ug sa iyang paisdaan, manukan samtang ang uban, mga baboy ang apil gianod sa baha.
Samtang gibasol ni Argen Fugosa, usa sa labing naapektohan sa pagbaha, ang dili sibo nga desenyo sa tulay sa ilang area sa purok 7, Conel ang nag-unang hinungdan sa pagbaha.
