DILI na interisado nga mopasaka og kaso ang kampo sa nadungaban gawas sa imnanan sa Aparente, Barangay City Heights.
Subay sa progress report sa San Isidro PNP Hunyo 3, 2023 ,ang pribado nga mga reklamante niadto sa estasyon unya nagduso og Affidavit of Disinterested to File Case.
Gumikan niini hilway na sa asunto silang Jeffrey Enolva ug Celis Enolva, kahibaluan nga sa milabay nga semana paggawas sa imnanan sa grupo sa mga kalalakin-an adunay kaguliyang,adunay nasumbagan, adunay nadunggaban, aduna usab mga motor nga nadamyos.
Usa ang nadala sa tambalanan human nadungaban samtang nadala dayon sa Police Station ang gitudlo nga lambigit sa kaguliyang aron ma imbestigahan. I Ver Diazon
