Umapela ang kampo ni Apollo Quiboloy na ilipat ito ng kustodiya.
Sa ambush interview, sinabi ng kaniyang abugado na si Atty. Israelito Torreon na nais nilang alisin sa PNP custodial facility sa Kampo Crame si Quiboloy.
Aniya, naghain na sila ng mosyon sa Korte para mailipat siya sa AFP custody.
Kung hindi naman, kahit daw masailalim si Quiboloy sa house arrest.
Bahagi pa rin umano ito ng kaniyang security.
Maalalang kinumpirma ni Pangulong Bongbong Marcos na may kamay ang AFP sa pagsuko ni Quiboloy dahil wala raw tiwala ang televangelist sa mga kapulisan.
