Kampanya vs loose firearms gipakusgan dungan sa shooting incident

DUNGAN sa serye sa pagpatay sa GenSan nga gigamitan og pusil, mas gipakusgan sa kapulisan ang kampanya batok loose firearms.

Matud ni Police Col. Nicomedes Olaivar Jr., director sa General Santos City Police Office (GSCPO) ubay- ubay na nga armas nga walay lisensiya ang ilang narekober sa mga operasyon. Duna usab mga armas nga gisurender sa mga presinto sa kapulisan human napaso na ang mga dokumento.

Dugang ni Olaivar Jr., gawas sa Oplan Katok gipakusgan usab nila mga lakang sama sa Oplan Sita ug Kapkap bakal.

Asa ginabisita sa mga sakop ang mga establisimento aron sutaon kung dunay pusil o ubang deadline weapon.

Ang maong lakang butyag sa opisyal ang gituohan niini nga makatabang aron makonhuran ang ihap sa insidente sa pagpatay sa GenSan. Asa sa labing ulahing datus gikan sa GSCPO misaka na sa 31 ang shooting incident nga natala gikan Enero 1 hangtud Hulyo 8. I Richel Gubalani

Leave a Reply

Your email address will not be published. Required fields are marked *