Naging madinaeag-on ro kampanya it lokal nga gobyerno it Kalibo nga mapataas ro vaccination rate it booster shots.
Owa pa it sang buean hay nataw-an eon it solusyon ro manabang vaccination rate it booster shots sa Kalibo.
Matandaan nga naging inisyatibo it LGU Kalibo ro pagtao it 2 kilong bugas ag food packs ag ku rondaya eang hay ginhimo nga tig-limang kilong bugas para sa mga maga-avail it first ag second booster shots kontra sa covid-19.
Ginkalipay man it LGU Kalibo ro resulta it pagtinguha nanda it Municipal Health Department nga mapabaskug ro vaxx rate sa banwa agud maprotektahan ro mga pumueuyo kontra sa makamaeatay nga virus.
Owa it eabot sa bugas hay may ginpatigayun man nga feeding program ro LGU Kalibo sa mga inunga bilang kabahin it pagpabilin nga healthy ro mga unga sa Kalibo. / ANN DESLENE SALAZAR
