LEGAZPI CITY – Dai na mamomroblema an Commission on Elections (COMELEC) Daraga sa kakulangan nin mga ballot boxes digdi para sa Barangay asin Sangguniang Kabataan Elections (BSKE) 2023.
Ini huli ta nahipnuan na kan COMELEC Camalig an kulang na ballot boxes.
Nagkaigwa kaya nin kakulangan an COMELEC Daraga sa ballot boxes nin huli ta pirang taon na man an nakalihis puon kan huring beses na nagkaigwa nin eleksyon sa barangay asin nadugangan na an mga polling precincts pati mga botante.
