Sangka kakanin vendor ro naging benepisyaryo it “PROJECT PABAHAY” sa idaeum it PNP ADOPT A FAMILY PROGRAM.
Ro benepisyaryo hay ginkilaea nga si Mr. Jomar Zonio y Ilig, 42 anyos, “Kakanin” vendor, may an-um nga unga ag residente it Purok 2 C Laserna, Poblacion, Kalibo, Aklan.
Sa pagbueoligan ag suporta it mga tawuhan it personnel it Kalibo MPS sa pagpamuno ni PMAJ JASSON C BELCIÑA, OIC, gin-umpisahan eon ro konstruksyon sa baeay ni Mr. Zonio.
Matandaan nga bangud sa pagbaha tuga it bagyong Paeng, eubos nga naapektuhan ro banwa it Kalibo partikular ro mga barangay nga maeapit sa Aklan river ag ro bilog C. Laserna ag Oyo Torong nga nakaangkon it mabahoe nga kasamaran.
Pilang kabaeayan eabi eon ro mga baeay nga himo sa light materials hay inanod it baha. / ANN DESLENE SALAZAR
