Umabot sa P288,780,066.98 ro naging kahalitan sa bilog nga probinsya it Aklan tuga it pagpanaeasa it bagyong Paeng ku Oktubre 27, 2022.
Base sa record it Provincial Risk Reduction and Management Council- Aklan, ro eubos nga nahalitan sa pagpanaeasa it bagyong Paeng hay ro agrikultura ag imprastraktura.
Sa agrikultura ro kahalitan hay nagaabot sa P119,305,066.98 samtang sa imprastraktura hay nagaabot sa P109,690,000.00.
Kapin sa 5,830 ka baeay ro partially damage samtang 135 ro totally damaged.
Ro apektadong pamilya bangud sa bagyo hay sa 78,048 nga katumbas it 264,387 nga indibidwal.
Nag abot man sa 8 ro namatay, 30 ro naninahan ag sambilog ro nagapabilin nga missing. / ANN DESLENE SALAZAR
