Nagsampa it kaso ro pulisya ku Lunes laban sa isaeang kagawad it Brgy. San Pedro Pontevedra, Capiz nga haaresto ku Sabado it agahon, Disyembre 3, dahil sa pag-angkon it bukon lisensyadong baril.
Sinampahan it kasong paglabag sa Republic Act 10951 (Comprehensive Firearms and Ammunitions) si Pacifico Fuentes Dais sa Provincial Prosecutors Office.
Ro team halin sa Regional Mobile Group, Capiz Highway Patrol Group, Criminal Investigation and Detection Group (CIDG), ag Pontevedra Municipal Police Station ro nagsilbi it search warrant sa baeay ni Dais, 46, batay sa reklamo it isaeang concerned citizen nga imaw hay naga-angkon it mga bukon lisensyadong baril.
Hinambae man it complainant nga uwa gi gapanimbang nga magpaeupok it baril ro kagawad saandang lugar.
Ro search warrant hay inisyu ni Judge Isabel Poco-Deslate it Regional Trial Court Branch 19 sa Roxas City ku Disyembre 2, 2022.
Narekober sa raid ro isaeang kalibre .45 ag daywang magazine it nasambit nga baril nga kargado ng 15 basyo ng live ammunitions.//LABYRINTH R. BAYONA
