ANDAM mopasaka og kasi si Kagawad Franklin Gacal Jr. batok kang Mayor Ronnel Rivera kung subling i-appoint si Celso Mendoza isip labaw sa Office of the Senior Citizens Affairs o OSCA sa GenSan.
Kini ang gihingusgan ni Kagawad Franklin Gacal Jr. dungan sa pagpaklaro nga higala niya ang mayor ug gusto lang niining paminawon unsa ang legal opinion sa City Legal Office nga nahuman na ang termino ni Mendoza pagkahuman nga kini gilugwayan og tulo ka bulan sukad nga nakumpleto ang tulo ka tuig nga termino.
Nasayran nga subling gipamugos ni Mendoza nga kutob pa siya sa December 31 tungod sa re-appointment kaniya sa mayor.
Apan gipamugos ni Gacal, nga illegal na ang pagpadayun pa sa paghupot ni Mendoza sa maong posisyon tungod sa balaod, pagkahuman sa tulo ka termino mupili na og bag-ong labaw.
Gihatagan ni Gacal og hangtud sa katapusan sa Desyembre ning tuiga si Mayor Rivera kung iyang subling i-reappoint si Mendoza didto na siya muduso og kaso sa unang semana sa Enero sunod tuig.
