Mainit nga ginbatun it tagpaeamati it 89.3 BRIGADA NEWS FM KALIBO ro pag-ere it programa it KABALIKAT CIVICOM 417 Aklan Chapter, nga nag umpisa makarung adlaw it Dominggo, halin it 5PM to 6PM.
Suno kanday Kabalikat Cherlito Crisostomo Jr. ag Kabalikat Vic Ibisate, ro nagapangunang tinutuyo it Kabalikat Civicom hay ro makabulig sa mga nagakinhangean pinaagi it paggamit it handset o two-way radio para mapadasig ro komunikasyon, eabi eon sa mga maeayo nga lugar.
Bilang organisasyon ro Kabalikat hay pagtukod it “Bayanihan” o pagbueoligan.
Sa pihak nga parte, kaabuan sa mga comments halin sa mga listener ag netizens hay pagpasaeamat sa management it Brigada News FM Kalibo ag kay Station Manager Joemer Soriano, bangud sa pagtao it oras para makapag programa ro grupong Kabalikat para maipahayag ro andang mga accomplishments.
Suno man sa Founder coordinator it Kabalikat Civicom 417 Aklan Chapter nga si Kabalikat Manuel Oducado “double O”, ro tanan nga miyembro it Kabalikat hay boluntaryo, owa it sweldu ag ro tinutuyo hay makabulig sa komunidad. // ANN DESLENE SALAZAR
