KORONADAL CITY- IDINEKLARANG special non-working holiday ang June 22, 2022 sa bayan ng Surallah, South Cotabato.
Ito ay batay sa naipasang resolution ng Sangguniang Bayan kaugnay sa selebrasyon ng ika-59 na Foundation Anniversary at 3rd Surbe’Tube Festival.
Ang kapistahan ng Surallah ay magsisimula sa June 20 at magtatapos sa June 26.
Kabilang sa mga aktibidad na isasagawa ay ang Thematic Festival Parade, Zumba Party at Fireworks Display sa June 20; Farmers Day, Oath-taking Ceremony, Live Band at ABC Night sa June 21; Tree Growing Festival, Job Fair, Surallah Dog Show, Kasalan ng Bayan, SK Night at Anniversary program sa June 22; IP Day, Employees Night at Live band sa June 23; Balsa Contest, Barangayan, Tribal Race, Motorshow, Celebrity Band, Fireworks Display at Closing program sa June 24; at Motorshow sa June 25 at 26.
Ang naturang pagdiriwang ay may temang “Unity in Diversity Towards Resilient Communities Through Cultural Sensitivity”.
