Bukas eon sa publiko ru Jawili Beach sa Municipalidad it Tangalan matapos nga pumaguwa it Executive Order si Aklan Governor Florencio Miraflores.
Raya hay gina pasugtan nga pag bukas it tourism industry sa bilog nga probinsya’t Aklan sa idaeom it General Community (GCQ) classification.
Padayon gihapon nga gina patuman ru no face mask, no entry policy, 50% capacity ag mahigpit na pag-obserba it social distancing sa mga establisyemento.
Samtang bawae gihapon ru mass gatherings nga gina tumod nga super spreader it COVID-19.
Mahigpit man sa gihapon ru pag patuman it check-point sa adlaw it Sabado ag Domingo pasueod sa Jawili beach.//MARIVIC Y. ILIN
