Nakakulong makara ro isaeang 46-anyos nga eaeaki matapos umanong salakayon ag patyon ro anang manong ku hapon it Disyembre 6, 2022 sa Ivisan, Capiz.
Insigida man nga nagsunod si Dioscoro Bacaro kaibahan ro mga rumespondeng pulis nga inaresto imaw matapos ro hacking episode sa Barangay Malocloc Norte, Ivisan.
Dinaea it mga miyembro it Ivisan Municipal Disaster Risk Reduction and Management Office (MDRRMO) ro biktimang si Tomas Bacaro, 61-anyos, sa pinakamaeapit nga ospital pero uwa eon kara kinaya.
Hinambae ni Kapitan Greg Anthony Salbang, hepe it Ivisan police, nga ro biktima hay binawian ti kabuhi bangud sa igo sa anang liog.
Hasayuran sa imbestigasyon nga ro magmaeanghod nga Bacaro hay mabuhay eon nga naga inaway.//LABYRINTH R. BAYONA
