Kinumpirma ng Department of Foreign Affairs (DFA) na magpapatuloy si Pangulong Ferdinand Marcos Jr. sa kanyang mga foreign trips hanggang sa katapusan ng 2023.
Ayon kay DFA Secretary Enrique Manalo, hindi bababa sa apat ang mga byahe ng pangulo bago matapos ang taon.
Magsisimula ito ngayong buwan sa ASEAN Gulf Cooperation Council Summit na gaganapin sa Riyadh, Saudi Arabia.
Sa kalagitnaan naman ng Nobyembre, dadalo si PBBM sa APEC economic leaders meeting sa San Francisco, USA, na susundan ng climate change conference sa Dubai, UAE, at panghuli sa ASEAN Japan Commemorative Summit sa Tokyo.
