Human gipusil sa suspek ang iro gisunod ang tag-iya nga miresulta sa kamatayon niini atubangan mismo sa iyang pamilya sa Brgy. Cabasagan, Boston Davao Oriental kagahapon sa buntag.
Sa report sa Boston Municipal Police Station giila ang biktima nga si Marvin Canuza, 47-anyos nga mangingisda samtang ang suspek si Andi Butulan, 30-anyos nga pulos residente sa nasangpit nga lungsod.
Sa imbestigasyon sa kapolisab uban matud pa sa biktima ang iyang pamilya nagbaklay-baklay daplin sa dagat sa maong lugar sa dihang kalit miabot ang suspek og didto gipusil niini ang iro ni Canuza.
Mipalag gilayon ang biktima sa gihimo sa suspek kon og iya kining gikomprota hantud na nga gipusil kini makadaghang hugayon og gideklarang patay sa gidalhang ospital.
Dali usab nag-surender sa kapolisan si Butulan diin apil niining gituyan ang iyang caliber 40mm nga gamit matud pa niini sa pagpusil sa iro og sa tag-iya.
Tanggong na karon sa prisohan ang suspek kinsa gipasakaan na og kaso. BNFM-Davao
