Nagpatigayun it coastal cleanup ro Iloilo Police Provincial Office (IPPO), sa pagpamuno ni Police Colonel Adrian Acollador, sa Brgy. Lantangan sa Carles, Iloilo ku rayang adlaw it Biyernes.
Nagpartisipar man sa pagpanglimpyo ro mga residente, mga miyembro it Provincial Community Affairs and Development Unit, Carles Municipal Police Station, Provincial Bantay Dagat ag mga barangay officials.
Pilang sako it mga bote, plastic containers, ag iba pa ro mga nakolekta sa ginpatigayun nga cleanup.
Ro cleanup drive hay kabahin it daywang adlaw nga community outreach program it IPPO nga may tinutuyo nga magtao it pangabuhian, relief assistance, ag isulong ro environmental awareness ag proteksyon sa palibot sa mga taga Carles. / ANN DESLENE SALAZAR
