Nagpartisipar sa training kag on-site demonstration may kaangtanan sa countour farming integrated in Abaca production ang mga 4P’s IP farmer-beneficiaries sa banwa sang Tapaz.
Ini ang natigayon pinaagi sa Department of Social Welfare and Development 4P’s kag Department of Agriculture- Bureau of Soils and Water Management (DA-BSWM).
Tinutuyo sang aktibidad nga mahatagan sang ideya ang mga mangunguma gamit ang mga techniques sa produksyon sang Abaca nga kabahin man sang Cash for Work Program sang lokal nga gobyerno.
Ginpatigayon man ang tree planting sa pagpanguna sang Municipal Agriculture Office, Barangay Officials kaupod ang tanan nga nagpartisipar.//END
