KORONADAL CITY- MANANATILING prayoridad ng provincial government ng South Cotabato sa pamumuno ni Governor Reynaldo Tamayo Jr ang free education at free hospitalization program.
Sa isinagawang Executive-Legislative Agenda o ELA ng mga provincial government officials kamakailan lamang, inihayag ng gobernador ang plano nitong pag-institutionalize sa free education sa pamamagitan ng isang ordinansa at ang free hospitalization sa pamamagitan naman ng full implementation ng Universal Health Care o UHC.
Maliban dito, magtatatag din ang lalawigan ng IT economic zone at paiigtingin pa ang tourism sector upang makapagbigay ng maraming employment opportunities.
Prayoridad din nito ang pagpapalakas sa peace and order; digitalization ng agriculture; IT infra and software development; at establishment ng consolidated farms.
Pinasiguro naman ng gobernador ang balance ng economic development at environment sa pamamagitan ng implementasyon ng Environment Code.
Ang mga ito ayon kay Tamayo ang vision at direksyon ng South Cotabato sa loob ng tatlong taon.
Pinasiguro naman ni Vice Governor Arthur Pingoy J rang suporta ng Sangguniang Panlalawigan sa mga programa, proyekto at mga aktibidad ng executive department.
