Tibiao, Antique – Gindara sa Tibiao Municipal Police Station ang 3 ka mga suspek nga ginkilala kanday Jury Espartero, 19 anyos, kag darwa ka mga menor de edad nga lunsay mga estudyante kag residente kang Sitio Puong, Brgy. Capoyuan, Barbaza nga nakapalagyo kag nadakpan sa kaso kang pagpanakaw sa balay nanday Edwin Cadiao, 51 anyos, kag sangka foreign national kang Mayo 27, 2024, las-3:00 sa kaagahun sa Purok 3, Brgy. Sta. Ana, Tibiao, Antique.
Sa impormasyon, las-7:30 sa aga kang amo nga petsa, gin-report kang Brgy. Chairman sa amo nga lugar ang nagluntad nga insidente sa diin na man-an nga nagaturog ang mga biktima sa tagsa ka kwarto kang ginsulod sanda kang mga kawatan paagi sa bintana sa dining area.
Lakip sa mga nataban ang $2,600; P60,000; 1 British Passport; 1 White gold bracelet balor 1,000 Canadian dollars; 1 IPhone11 balor P30,000; 1 Vivo Phone balor P11,000; kag Heart Pacemaker certificate.