Inanunsyo ng Philippine Health Insurance Corporation na magsisimula na ang pinataas na coverage rates sa Pebrero 14, 2024.
Matatandaan, Nobyembre 2023 nang inanunsyo ng PhilHealth na tataas ng hanggang 30% ang rates sa benefist packages nito upang mabawasan ang out of pocket expenses ng mga Filipino.
Ayon kay PhilHealth spokesperson Rey Baleña naglabas ang ahensya ng Circular No. 2024-001 na naglalaman ng case rates o benefit packages.
Layunin umano ng adjustment benefit packages ang mapababa o mabura na ang balanseng binabayaran sa pagpapaospital.
Sa kabila nito, nilinaw ng ahesnya na hindi lahat ng case rate packages ay tataasan dahil ang ilan sa mga ito ay na-adjust na limang taon ang nakaraan.
