Isinusulong ni Senador Imee Marcos ang pagbubuo ng technical working group (TWG) upang makapagbigay ng committee report kaugnay sa ratipikasyon ng Regional Comprehensive Economic Partnership (RCEP).
Hinimok ni Marcos ang mga representatives mula sa iba’t ibang stakeholders upang magsumite ng position papers ng proposed trade agreement, at sumali sa TWG.
Ilan sa mga stakeholders na magiging parte ng TWG ay ang mga representatives mula sa Department of Agriculture (DA) at Trade and Industry (DTI), Bureau of Customs (BOC), Tariff Commission, Philippine Competition Commission (PCC), at National Economic and Development Authority (NEDA).
Nag-volunteer naman si Trade Secretary Alfredo Pascual na ang DTI ang siyang mamumuno sa TWG kasama ang committee secretariat.
Ang RCEP ay isang free trade agreement na umusbong noong August 2012. Kino-cover nito ang mga miyembro ng Association of Southeast Asian Nations (ASEAN) at ang mga partners na Australia, China, Japan, South Korea, and New Zealand.
