Ro mayad nga pamaagi agud punggan ro dinaya sa eleksyon hay ireport ro insidente sa mga otoridad, ag indi eamang i-post sa social media.
Raya ro naging reaksyon ni Iloilo PNP director, Police Colonel Adrian Acollador, sa ginaalegar nga maeapnagon nga vote buying sa pilang lugar sa probinsya it Iloilo.
Ginhambae ni Acollador nga matuod nga ro pag-post sa social media it insidente it ginasugid nga pagbakae it boto o anumang dinaya sa eleksyon hay nagatuga it awareness, mas mayad gihapon nga ireport raya sa mga police station para maubrahan it legal action kontra sa nagakomitar it election fraud.
Ginpadumdom man ro publiko eabi eon ro mga botante nga ro pagbaligya it boto o pagbakae it boto hay makabig nga election offense, base sa Section 60 it Comelec Resolution 10727. / ANN DESLENE SALAZAR
