Ro padayun nga pagnaba it numero it mga naarestong drug personalities sa probinsya it Iloilo sa nakataliwan nga pitong dag-on hay indikasyon it agresibong police operations, Philippine Drug Enforcement Agency ag iba pang stakeholder.
Sa report it Provincial Operations and Management Unit (POMU) it Iloilo Police Provincial Office, kapin sa 36 drugs personalities eang ro naaresto halin it January to May makarung dag-on o 94.28 percent nga manaba kumpara sa 629 nga naarestong drug personalities sa magkaparehung period it 2016.
Suno kay Iloilo PNP director, Police Colonel Adrian Acollador, nga ro padayun nga pagiging agresibo it mga drug enforcement units sa pakikipag-angutan sa PDEA sa pagpatigayun it buy-bust operations kaibahan ro magkaparehu nga aktibidad it mga LGU ag iba pang support groups ro naga abang sa mga drug personalities sa pagbaligya it ilegal nga droga sa probinsya.
Ginpahayag pa ni Acollador nga ro sigidas nga pagsubaybay sa paghueag it mga drug personality ag pagmonitor sa mga drug surrenderees hay nakakabulig agud indi madayun ro illegal trade. / ANN DESLENE SALAZAR
