Ilang major tournaments ang hindi malalahukan ni Carlos Edriel Yulo para mag focus sa 2024 Olympic Games sa Paris, France.
Ayon kay Gymnastics Association of the Philippines president Cynthia Carrion, malabo ang posibilidad na lahukan ni Yulo ang Asian Games na idaraos sa Setyembre sa China.
Ito ay dahil lalahok si Yulo sa World Artistic Gymnastics Championships na gaganapin naman sa Antwerp, Belgium.Halos magkasabay ang Asian Games at World Championships.
Ang naturang world championships ay isang qualifying tournament para sa Paris Olympics.
Tiniyak naman ni Carrion na masisilayan sa aksyon si Yulo sa 2023 Southeast Asian Games sa Mayo sa Cambodia.//CA
