BNFM BICOL – Sasalang sa mentoring training ang mga kooperatiba sa bayan ng Camalig Albay.
Sa isang public post kinumpirma ng lokal na pamahalaan na ang aktibidad ay pangangasiwaan ng ‘Municipal Cooperative Development Office (MCDO) katuwang ang Bantonan Community Development Cooperative (BACODECO).
Layunin ng aktibidad na madagdagan ang kapasidad ng bawat eksistidong kooperatiba sa usaping pakikipagsosyo sa iba pang kooperatiba, pribadong sektor at komunidad.
Itinuturing naman ng lokal na pamahalaan na malaki ang ambag ng mga kooperatiba sa pag-unlad ng ekonomiya sa kanilang bayan partikular na sa mga kanayunan. Matatandaan na kabilang sa mga adbokasiya ng lokal na pamahaan ng Camalig ang pagtugon sa kahirapan, pagkakapantay pantay at pagpapaunlad sa bawat sektor ng komunidad
