Ipinunto ni Senador Win Gatchalian na marapat lang maimbestigahan ng National Bureau of Investigation (NBI) ang ‘authenticity’ ng pagkatao ng ikatlong ‘Alice Guo’.
Kasunod ito sa naging pagsiwalat noong nakaraang pagdinig ng Senate Committee on Women, Children, Family Relations and Gender Equality sa isang babae na kapangalan ni suspended Bamban, Tarlac Mayor Alice Guo bagamat iba ang mukha nito.
Ngunit sa kabila ng natuklasang ito, hindi umano pupwedeng burahin ang katotohanan na nag-match ang fingerprint ni Guo sa isang Chinese national na si Guo Hua Ping.
Alinsunod nito, marapat lang umanong patuloy na imbestigahan ng awtoridad ang tungkol sa katauhan ng mga lumalabas na ‘Alice Guo’.
