Simula bukas ay aarangkada na ang isa na namang round ng taas-presyo sa mga produktong petrolyo.
Sa magkakahiwalay na abiso ng mga oil companies, magtataas ng P0.75 sa kada litro ng gasolina.
Mayroon ding itataas na P1.50 sa kada litro ng diesel; habang P0.80 naman sa kada litro ng kerosene.
Ito na ang ika-limang linggong sunud-sunod na oil price hike ngayong taon.
Sa monitoring ng Brigada NewsTeam – ngayong 2024 ay tumaas ng P5.25 ang kada litro ng gasolina. P4.75 naman ang itinaas ngayong taon ng diesel; habang P2.30 naman sa kerosene.
