Ginpahayag it lokal nga gobyerno it Malay nga ro modernized Malay public market hay mapabaskog it turismo sa mainland Malay, Aklan.
Ro bag-o nga proyekto hay magabukas it manami nga oportunidad para sa mga tour operator nga ilakip sa andang tour package ro pinakabag-o nga imprastraktura agud pabaskugon ro mga aktibidad it mga bisita ag turista sa banwa.
Ginsigurado man ni Aklan Second District Rep. Teodorico Haresco, Jr. ro pondo para sa pagkumpleto it nasambitan nga edepisyo.
Base sa datos, ro kabieogan nga balor it modernized public market hay nagaabot sa P200 milyon.
