Naghahanda na ang Inter-Agency Council for Traffic (IACT) sa posibleng pagdagsa ng mga pasahero na lalalabas at papasok sa Metro Manila sa darating ng Undas.
Ayon kay IACT chief Charlie del Rosario nagkaroon na sila ng pagpupulong kasama ang MMDA, LTFRB, LTO at PNP kung saan pinag-usapan ang mga hakbang para matiyak ang kaligtasan ng mga biyahero.
Kabilang umano ang pagsiguro na mayroon mga masasakyan public utility vehicles ang mga pasahero papasok at palabas ng Metro Manila.
Paliwanag ni del Rosario inaasahan nilang marami ang mga uuwi sa kanilang mga probinsiya matapos ang dalawang-taon nang mahigpit na restrictions dahil sa COVID-19 pandemic.
Pinapayuhan naman ng opisyal ang mga luluwas sa Undas na magpa-reserve na ng kanilang biyahe upang maiwasan ang hintayan at kumpulan sa loob ng mga terminal.
