WALA nakasigurado ang labaw sa Human Resource Office kon may 25 ka mga nurses sa Dr. Jorge P. Royeca Hospital nga nag-resign karong tuiga.
Sa pahayag ni HRMDO Head Laeh Tolimao sa 89.5 Brigada News FM Gensan ang iyang nasayran sa dihang nagtagbo sila alang sa Personnel Selection Board kon PSB ang walo ka mga job order nurses ang nagbalhin sa Malungon, Sarangani Province, samtang kaniadtong bulan sa Abril adunay pito usab nga nurses nga na-hire.
Gidugang ni Tolimao nga ang sigurado nga impormasyon adunay usa ka doctor sa Dr. Jorge Hospital nga nagretiro na og ilaha na nga na-hearing sa PSB ang mohulip sa posisyon.
Gipaklaro usab ni Tolimao nga nasayod usab kini nga ang mga isyu kaniadto pa mao ang ubos nga sweldo sa nurses mao nga gipa-aprubahan na nila sa Sanggunian Panlungsod ug takdang ipatuman na human na aprubahan ang pondo.
Samtang sa naga-resign nga mga job order workers wala na kini naga-agi sa HRMDO kay walay Employee Employeer Relationship, naga-agi daw ang resignation sa partikular nga department. ( Ever Diazon)
