Gintagusya ni House Speaker Ferdinand Martin Romauldez, an paglunsar han “LAB FOR ALL”caravan nga programa ni First Lady Liza Araneta Marcos, ngan Presidente Bong-bong Marcos Jr., ha People Center, Taclban City, kun diin purluminos 2,000 nga mga Taclobanon an nakapanhimulos han mao nga programa.
Sumala kan House Speaker Romualdez, an nasabi nga proyekto in may-ada halarom nga epekto ngan importansya ha mga Pilipino, mahitungod nga damo han aton mga kababayan an nag-uukoy ha mga tay-aw nga lugar nga waray access hin serbisyo medical, hinungdan nga napapabay-an an ira panglawas.
Dugang pa ni Romauldez, gintatagan nira hin importansiya an didekasyon ngan sakripisyo han kapikas ha kinabuhi ni Presidente Bong-bong Marcos, ngan tanan nga nagbubug-os han “LAB FOR ALL” caravan, ipinaagi han ira panalimbasog, nga matagan hin higayon an aton mga kababayan, labi na an mga senior citizen, nga makakuha hin sebisyo medical nga libre ngan abot kaya.
An kahulugan han LAB in Libreng Laboratoryo, Kunsulta at Gamot para sa lahat, nga nag hahatag gin libre nga konsultasyon, X-ray, laboratory tests, ngan medisina pra han kumunidad nga nanginginahanglan.//. Jason Delmonte
