Padayon makara sa pagkasa it combat operation ro bieog nga pwersa it militar sapagdakop it mga miyembro it militanteng grupo nga New People’s Army (NPA).
Kasunod raya it natabo nga encounter sa tunga it NPA ag 12th Infantry Battalion sa boundary it Barangay Manaribay, Calinog, Iloilo ag Barangay Cabatagan, Lambunao.
Base sa pahayag it 3rd Infantry Division, nakabaton sanda it report nga may presensya segun it rebelde sa lokasyon ag sapilitan nga nagabuoe it mga pagkaon sa mga sibilyan.
Insigida nga nagresponde ro militar sa lugar ag idto eun may natabo nga encounter nga nagbuhay it napueo ka minuto.
Dugang pa nanda, uwa it naninahan sa grupo it army pero sigurado sanda nga may mga ninahan nga rebelde bangud sa mga mantsa it dugo sa encounter site.
Na-recover man it army ro mga high powered firearm ag pila ka mga importante nga dokumento./JIL B. LACSON
