CAMARINES SUR- Kasado na ang Himoragat Bicol Song Writing-Music Video Competition sa bayan ng Tinambac Camarines Sur kaugnay ng pagdiriwang ng Himoragat Festival 2024. Simula ngayong lunes, Pebrero 12, magsisimula nang tumanggap ang Municipal Tourism and Cultural Office ng mga lalahok sa isa sa pinakamalaking singing competition sa Partido Area.
Bukas ang patimpalak sa lahat ng mang-aawit at composers para sa tatanggaping genre na Pop, Upbeat, Jazz, Ballad, R ‘n’ B, at Rap. Habang hinihikayat naman ang mga kalahok na gumamit ng indigenous o ethnic instruments para sa pagbuo ng hanggang sa dalawang kanta o entry.
Magtatapos ang pagtanggap ng mga kalahok hanggang sa ikatatlumput isa ng Marso. At iaanunsyo naman ang Top 3 sa darating na Abril kung saan makakatanggap ang mananalo ng hanggang sa sampung libong piso.
