NAKABENEPISYO sa pagpanghatag og infant kit ang naa sa 83 ka mga buntis sa GenSan. Ang distribution sa infant kit ang matag semana nga ginahimo sa 89.5 Brigada News- FM GenSan.
Gawas sa kini ang usa sa social corporate responsibility sa Brigada Group of Companies, kini usab ang kabahin sa End Stunting Now adbokasiya sa kompanya. Matud ni Elisa Balaud, 33-anyos, taga Barangay Mabuhay, problema niyang dako ang pagpangpalit og sanina sa iyang ihimogso nga baby.
Human gibiyaan kini sa mister nga miuban sa ubang babaye ug gidala ang duha pa kaanak. Sa bahin ni Ravelyn Cabel, 38-anyos, taga Placida, Barangay Calumpang dako og tabang kaniya ang gihatag nga infant kit tungod kulang ang napalit niining galamiton sa ihimogso nga anak.
Sa pamahayag ni Ernie Gabonada, station manager tumong sa adbokasiya ang makatabang aron malikayan ang pagkabansot o pagkaputot sa ihimogso nga babaye. Nagpasalamat usab si Dr. Ryan Aplicador, Chief of Hospital sa Dr. Jorge P. Royeca Hospital sa inisyatibo nga gihimo sa kompanya alang sa mga buntis.
Sa pagtuon sa National Institute of Health (NIH) ang buntis ang dunay taas nga risgo sa autoimmune diseases. I Richel Gubalani
