Manami nga balita sa mga Aklanon, lokal ag foreign tourists sa isla it Boracay.
Raya hay matapos haeugaan ro pilang mga guidelines para sa mga gustong bumisita ag magbakasyun sa isla it Boracay.
Pila sa mga raya hay pwede eon mag agto ro mga turista sa isla bisan owa it hotel booking voucher nga kinhangean sa port of entry.
Ginapasugtan eonman nga magdaea it beach bed ag payong para mag enjoy ro mga turista.
Gin-extend eonman ro night swimming hasta alas 9 it gabii, ginapasugtan man ro food, drinks ag party boats.
Suspendido man ro P20,000 fee para sa foreign tour guides, samtang padayun pa ro pakikipagdayalogo nga makaangkon it unified ticket sa jetty port.
Ro paghaeuga sa mga guidelines sa isla it Boracay hay para mapamayad ro serbisyo sa mga residente, lokal ag international nga mga turista. // ANN DESLENE SALAZAR
