Ipaprayoridad umano ng administration ang pagkahuli ng mga sindikatong sangkot sa illegal drug trade para masolusyonan ang problema ng bansa pagdating sa ilegal na droga.
Ayon kay Pangulong Bongbong Marcos, iimbestigahan ng pamahalaan ang mga taong kailangang maparusahan.
Ito ay kasabay ng paniniwala umano ni Marcos na ang ‘main player’ sa illegal drug trade ay hindi iyong mga nakikita lansangan na gumagawa ng small-time drug trade, kung ‘di mga sindikatong nakakukuha ng kapangyarihan at impluwensya.
Dahil dito, sinabi ng Pangulo na kailangang pag-aralan kung sino ba talaga ang dapat imbestigahan at kung sino ang dapat maparusahan.
Sa kanyang pagdalo sa Center for Strategic and International Studies (CSIS) forum, binigyang-diin niya na mas naging malakas, matibay, at influential na ang mga sindikato. //MHEL PACIA
