Ginkumbinse it gobyerno probinsiyal it Aklan ro tanan nga mga local government unit nga maghiwat it insigida nga aksyon sa pagtaas it kaso it dengue.
Kasunod kara, nagpaguwa it Executive Order No. 011 ro lokal nga gobyerno nga nagamandu sa mga ospital, provincial ag municipal health offices, barangay health stations nga mas pabaskugon pa ro pagsubaybay sa mga kaso it dengue.
Ginkumbinse man nanda ro mga panimaeay, establisyimento, ag publiko nga himuon ro 4s stategy agud malikawan ro mga sakit nga daea it lamok.
Ginmanduhan it lokal nga gobyerno ro paghiwat it regyular nga paglimpyo sa mga kabarangayan umpisa Hulyo 20 hasta Agosto 20.
Ginaplano man nanda nga magtukod it mga hydration center para sa mga unconfirmed dengue cases ag paghiwat it surveillance ag response system kuntra sa dengue./JIL B. LACSON
