Suportado ni Senator Christopher “Bong” Go ang desisyon ni Pangulong Rodrigo Duterte na suspendihin ang abrogation ng Visiting Forces Agreement (VFA) ng Pilipinas sa United States of America ng anim pang buwan.
Ayon kay Go, bilang chief architect ng foreign policy ng Pilipinas, may prerogative si Duterte na gawin ang naturang desisyon para sa bansa na isang “sovereign at independent country”.
Binigyang diin rin nito ang kahalagahan ng pagpapakita ng respeto para sa sovereign equality at ang alyansa ay dapat ring nangangahulugan na pagtrato sa bawat isa bilang partners.
Dagdag ng senador, bilang nasa gitna ang mundo sa COVID-19 pandemic, binabalanse lang ni Duterte ang lahat, at inuuna umano nito ang interes ng bawat Pilipino, at interes ng bayan.
Nabanggit rin ni Go na hindi naman minamadali ang pagterminate sa VFA sa ngayon.
