GIILA karon sa kapulisan ang ilhanan sa patay’ng lawas sa lalaki nga napalgang nagbuy-od sa kabagnutang bahin sa National Highway, Sitio Buayan, Barangay Malandang, Malungon, Sarangani Province.
Ang patay’ng lawas ang gituohan sa mga residente ug kapulisan nga gilabay sa lugar Martes sa kadlawon, tungod walay naila niin isa lugar. Nakurat ang mga residente sa lugar dihang nabal-an nga duna na usab labing insidente sa paglabay og patay sa lugar.
Ang lalaki nga gibana-banaang naa sa 30 hangtud 40-anyos ug naa sa 5’11 ang gintas-on ang nabulit sa samad dinunggaban ug tinigbasan sa lawas. Nakaangkon kini og 18 ka samad dinunggaban sa lawas, gigulgol ang liog ug giputos sa packaging tape ang nawong niini, butyag ni Police Lt.Col. Jovenson Bayona, hepe sa presinto sa lugar.
Samtang, nabalaka ang mga residente sa lugar human nga ikaduha na kining higayon nga gilabayan og ‘salvage’ victim ang maong dapit. Rason sa panawagan nila sa lokal nga panggamhanan sa malungon nga butangan og suga ang maong dapit sa ilang sitio.
Nanawagan si Bayona sa mga dunay kabanay nga nawala nga makig-alayon sa kapulisan ug sa Angel funeral homes sa Malandag. I Richel Gubalani
